城城跳橋玩命

郭富城與張家輝在新片大鬥演技之餘，部分動作更相當賣力演出。城城曾經錯失電影獎項的入圍機會，令他決心做好下一部電影。

影帝級人馬郭富城和張家輝，在彭順執導的新片《同謀》首結片緣，城城直言他們默契十足，擦出不少火花。《同》片是電影《C+偵探》和《B+偵探》的延續，城城再度演活「陳探」一角，除加入更多元素突破演技外，片中所有危險動作亦瞓身演出。其中一場跳橋跌落大牌檔的驚險場面，城城即使手部受傷流血亦毫無怨言。拍攝時，他從天橋一跳跌落大牌檔的枱上，前後多次傾側，最終跌倒地上，彭順滿意收貨後才發現他手部受傷流血，即召來工作人員為他治療，而彭順亦大讚城城專業。問到精湛的演出是否希望得到獎項回報？城城說：「拍戲唔可以將獎項放喺前提，否則只會換來壓力同阻礙演出。」

對於未能憑電影《寒戰》提名金像影帝，城城有感而發：「問心放咗好多心機落個角色，我問自己係咪真係做得太差？依家對提名唔敢諗太多，擔心有期望會失望，只希望導演同投資方睇到我嘅努力，搵我拍更多電影，如果連呢個機會都冇，獎項諗都唔使諗。」

家輝唔介意比較

而家輝表示與城城及彭順合作相當愉快，問到新加入一部系列電影，會否擔心被拿來與城城比較？他說：「一系列電影中，當然會不斷有人加入，我唔介意有呢個情況。」並指近年拍了太多沉重電影，今次可以輕鬆手法演出，相信可以為觀眾帶來新鮮感。」他又希望有機會拍攝彭順的鬼片：「我就係想睇佢拍得有幾陰沉。」