李泳豪飄移賽a奪冠

李泳豪前日在佛山參加中國《易修斯飄移挑戰賽2013》，勇奪B組賽冠軍！由於比賽當日落雨，他坦言今次賽車確有一定難度：「因為比賽嗰日時雨時晴，去到最後四強嘅時候，落緊毛毛雨，呢種天氣賽車最有難度，因為戴咗頭盔，唔知邊度會有水氹，會跣胎，所以較難掌握！」

泳豪還坦言大前日練習時，曾遇過小意外：「曾經試過練習期間，因為落雨跣胎，喺車路上打白鴿轉，如果當時有其他車練習就會好容易有意外。」今次能夠得獎，泳豪當然感到高興，昨日更與母親施明慶祝，他說：「我贏咗第一個打畀媽咪，亦同佢講個獎係佢嘅，因為係佢令我愛上賽車，所以個獎係屬於佢嘅！」