被指憑歌寄意黎明否認忘記樂基兒

黎明（Leon）、曾志偉、黎瑞恩、陳展鵬、黎諾懿及林漪娸等前晚到灣仔會展，出席深圳社團總會就職典禮，Leon否認藉新歌《我可以忘記你》送給前妻樂基兒：「冇特別含意，唱首歌諗咁多含意幾大件事，乜都唱唔到、行又行唔到、做又做唔到人o架喇！」

志偉本月14日60歲大壽，但他對無綫計劃下周三為他搞「生日騷」一無所知：「我處於被動，只係人去就得，佢哋好神秘，我想問嘢就叫我快啲走唔好理，唔知想搞乜。」對於《好報》獨家踢爆，志偉為無綫監製的新劇《Aerobic Girls》（暫名），因葉玉卿未能參演，故計劃搵陳慧珊執二攤，他說：「套劇6月尾拍，仲聯絡緊好多人。（盡最後努力搵葉玉卿？）要飛過去同佢老公隊番杯先知。（無綫超長工時，令藝人卻步？）以前仲辛苦，我會畀班演員舒服咁拍。」