莊思敏楊秀惠鬥認大細面

莊思敏及楊秀惠昨日出席復活節活動，她口快快指楊秀惠鴛鴦面是傷心事，對方不屑被屈，強調沒有整容：「我依家都係大細面，係靠頭髮遮咋！」

莊思敏、楊秀惠、梁烈唯及久未露面的MC Jin等十多名無綫J2台主持人，昨日到保齡球場出席復活節活動，莊思敏及楊秀惠齊齊以熱褲上陣，大騷白滑長腿！兩人早前被《好報》爆不和，活動中卻交足戲，但莊思敏將大會Tee剪成跌膊Look，碌齡時頻頻彎身露事業線搶鏡，輕易成為全場焦點。

「角度問題啫！」

數年沒碌齡的莊思敏自言技術麻麻，而她與楊秀惠主持的《姊妹淘》收視節節上升，直逼王牌節目《兄弟幫》，她笑說：「佢哋話題爆同嘉賓勁，我都諗住搵劉嘉玲同張曼玉上嚟，仲等緊佢哋檔期，就算真係得兩分鐘都好。」打了下巴溶脂針的她表示進展良好：「已經消腫，要整走雙下巴都冇辦法，打針亦唔可以打得太厲害，打得太勁就抬唔起頭。（被影到大細面？）我不嬲都有，本身腮骨邊大邊細，係角度問題啫！」

講到整容問題時，莊思敏被拿來與曾被指鴛鴦面的楊秀惠比較，欲置身事外的楊秀惠即說：「吓？我冇留意！」莊思敏本不希望影響其他人，但卻口快快地說：「唔好提啲傷心事！」可惜一句「傷心事」令楊秀惠頓感被屈，她即搶着解釋：「咩傷心事？我依家都係大細面，係靠頭髮遮咋！」再問兩人可有考慮削骨解決問題時，她倆就像夾定般說：「唔會！咁大工程要好長時間休息。」