高鈞賢狠樣教主封兇

前港男冠軍高鈞賢（Matthew）一向官仔骨骨，想不到他擺出一副騎呢狠樣，竟也入型入格！原來Matthew在新劇《仁心解碼Ⅱ》飾演暴力邪教教主，難怪預演「狠樣」駕輕就熟，劇中他對梁麗瑩拳打腳踢，比強姦戲更激：「強姦戲唔會有太大動作，但今次我要推梁麗瑩埋牆同扯佢頭髮。雖然我哋事先溝通過同借好位，但點都會有埋身接觸，搞到佢條頸有少少瘀咗，我就撞傷咗手月爭。」

Matthew去年開設兒童藝術學校榮升「高校長」，不過喜歡小朋友的他絕不向學生行「兇」，他說：「我教嗰班小朋友多數得3至6歲，呢個歲數係最天真可愛，點會捨得鬧佢哋。反而之前籃球比賽見到有隊友唔認真，我試過好惡咁話佢，後尾見佢唔太開心，我都有講番對唔住。」