陳思齊變臉派膠 嘲觀眾少見多怪

前港姐陳思齊近日在劇集亮相，被指明顯「變臉」！其實她去年已擔任美容院代言人，接受Botox及透明質酸注射，昨日她受訪時表示沒有後悔整容：「依家都變番之前個樣啦！」

前港姐陳思齊（前名陳凱怡）近日在劇集《仁心解碼II》出現，令觀眾充滿疑問，網民對比其舊照，發現她變得鼻高兼膠面，與之前判若兩人。其實她去年曾擔任美容院代言人，接受Botox及透明質酸注射，她昨日接受電話訪問時說：「只係上年做美容院代言人打過一次，唔會再整，身體已經吸收番。可能我工作量少，大家少見我啫！（後悔整容？）冇，我唔係為靚去整，只係擔任代言人，想試過先。（整容後啲人唔認得你？）冇喎！《仁》劇係上年拍嘅，依家都變番之前個樣啦！」

至於另一「變臉大師」、剛滿18歲的模謝芷蕙（Cammi），近日再被發現「面目全非」，雙眼愈變愈大，之前單眼皮的「女版Nel Nel」Look不再，Cammi日前亦承認到韓國整容，接受割雙眼皮手術。

Cammi想打Botox

據悉Cammi早前到韓國割雙眼皮時，曾想過「大執」，有意整鼻，後來因「淆底」才臨時打退堂鼓。不過她已有計劃再到韓國打Botox，令面部更Firm。Cammi接受電話訪問表示對割雙眼皮效果滿意，雙目更精靈有神，省卻不少化妝時間。問到計劃再整容是否整上癮？她說：「唔好咁講，想靚啲啫！好多藝人都係咁o架啦！其實自然就冇問題。」