何韻詩亂派肉嘴鄧九雲冇呷醋

何韻詩昨日出席新碟活動時宣布十月於紅館開個唱，早前公開同志身份的阿詩，提到「女友」鄧九雲日前以女主人身份出席音樂會及招呼朋友？阿詩指自己才是女主人，記者笑言她是鄧九雲「男友」？她說：「我幾時變咗性唔知嘅點解？」

因阿詩於音樂會上公然錫錫任嘉賓的盧凱彤（Ellen），有指令鄧九雲呷醋？她說：「咩報道嚟o架？我成日都錫佢（Ellen），唔好咁緊張！（會公開錫鄧九雲？）咩呀！錫你哋先，我成日周圍錫人，冇人會呷醋。（補錫囉！）我學古天樂，唔係事實唔回應。（屋企補錫？）冇呀！乜都冇。」她直言得知好友容祖兒愛貓離世，有短訊問候對方。