Kary100%信阿樂

最近有傳余文樂於上海的酒吧飲醉酒，並由神秘女子送返酒店房！女友吳雨霏（Kary）前晚出席活動時表示，對阿樂投以信任票，又以「拍戲」代男友解畫，揚言對方不會曳曳，並承認阿樂經常向她報告行蹤，難怪如此放心。

早前甜蜜歐遊而洩露戀情的吳雨霏與余文樂正處於熱戀階段，不過，前日有傳阿樂於深夜時分在上海的酒吧飲醉酒，更由一名女子送他返酒店房。前晚Kary與羅仲謙、谷德昭及林子善為配音的動畫出席宣傳活動，提到阿樂在上海買醉兼有女送上房的傳聞，問到Kary是否就是該女子？她起初狐疑地說：「嗰個係咪我？」問到最近有否到過上海，她避而不答，想了想才說：「嗰個女仔唔係我。」並指知道阿樂不在港，還力撐男友：「我諗應該係拍緊戲，佢唔會咁做囉﹗佢酒量OK，而且係公眾人物，唔會喺街度飲醉酒。（會向佢了解番件事？）唔使。（對佢百分百信任？）唔使問。」

至於會否擔心二人分隔兩地，對方會曳曳？Kary淡定地說：「唔會啦﹗人哋拍戲咁辛苦，邊有時間出去玩，喺內地拍戲好辛苦o架﹗」問到阿樂是否經常向她報到，所以才如此放心，她即甜笑說：「都係嘅。」表情冧爆！

撐拍戲辛苦冇得玩

另外，Kary談到配音趣事，由於要經常大嗌，故第一天開工便嗌到聲沙，第二天即醒目地自備蜜糖水。而羅仲謙提到最近發生的幾宗倫常慘案，覺得十分心酸：「我平時會將壓力發洩喺健身同打波，唔開心同屋企人食飯就得，同埋最近會睇佛理。（冇搵楊怡傾訴？）佢經驗好豐富，有問題會搵佢。（佢係你心理醫生？）冇咁誇張。」