張智霖聞「城苟」緋聞即O嘴

張智霖（Chilam）與劉心悠昨日拍攝保健產品廣告，Chilam因工作沒有出席無綫在會展的活動，他解釋早前傳右眼患眼疾是舊聞：「上年拍《衝上雲霄II》嘅毛病係『眼眉跳』，依家冇事，小病是福。」提到好友郭富城與苟芸慧的緋聞，他先後兩次O嘴然後說：「唔知道，傳聞始終係傳聞。（報道出咗後熊黛林即攜母到城城演唱會宣示主權？）講到拿破崙咁，人哋嘅事唔方便講，但佢演唱會好正，我會去睇。」

而提到最近發生多宗倫常慘案，他覺得是由於網絡太精彩，人與人溝通少所致：「我定下規條禁止自己食飯玩電話，同枱食飯嘅人都唔可低頭，我會管教囝囝少打機，多畫畫，培養交際技巧。」而劉心悠則大讚Chilam皮膚正。