Kay樂做「技安琪」

歌手謝安琪（Kay）昨日出席活動時，談及最近為無綫卡通片《多啦A夢》唱新主題曲，被網民踩她是「技安琪」，唱功麻麻，對此她笑說：「冇所謂，技安（胖虎）都係個可愛角色！」她亦不介意被「翻炒」走音片段：「算啦！惡搞嘅人係長存，我都會努力唱歌同佢哋並存，我會睇開啲！」提到無綫將與「四大」終極破冰，剛簽新約的她表示不會覺得「唔着數」：「我冇咁多計算，最緊要係一團和氣！」她又透露十分滿意與媒體的關係：「我一路都可以喺唔同電視台用廣東話做訪問。」

而她的老公張繼聰出席另一活動時，自爆囝囝似足自己愛吹水：「有收過老師投訴話佢上堂傾偈，似我細個，都有教佢尊重老師。」