夏雨「監」個仔拍戲

夏雨（原名黃成）與兒子黃俊銘昨日一起出席攝影活動，夏雨表示今年將監製兩齣電影：「其中一部叫《提款機》，我個仔都有份拍。（合演父子？）唔會囉！做老竇嘅最多係幫佢、帶佢出嚟，其餘嘅路靠佢自己行。我唔會心痛o架！自己都係打雜出身。（唔驚佢喺娛樂圈大染缸學壞？）唔驚！呢行只要唔煙、唔酒、唔毒、唔賭就OK！」黃俊銘則說：「我自問都算乖，唔怕辛苦，亦唔介意由低做起。（想同爸爸一齊工作？）我望住佢都緊張啦！」

另外，夏雨提到近日接連發生倫常慘案，他笑說：「希望我有咩得罪嘅，求個仔原諒我！我好驚自己個頭畀人放喺雪櫃！」