莊思敏自爆被攝影師揩油

無綫小花蔣家旻處女登上大銀幕，夥拍貌似柯震東的新人馬志威合作新片《第一次不是你》，蔣家旻昨日出席記者會時坦言拍攝時十分緊張，因戲中要做「高鐘妹」，故有不少床戲及咀戲：「套戲有少少激，仲有床戲，但都係戲情需要！」問到誰最好咀？在旁的馬志威即插嘴：「梗係我啦！」家旻又透露希望日後能在影視圈雙線發展。

有報道一名女模特兒去年報警被指強姦，其後銷案了事，四日後被發現墮樓身亡。有份演出《第》片的模特兒莊思敏對此深表惋惜，認為死者已矣，不應多加評論，在死者家人傷口灑鹽。她又寄語模特兒應注意安全，問到有否試過被毛手毛腳？莊思敏說：「都試過畀攝影師摸到，但分唔清係有意定工作需要，當時我有出聲，對方話自己係同性戀者，我就話咁係唔好，要識得尊重！」