任達華昨日到學校出席攝影講座分享會，獲師生熱烈歡迎，他透露現正攻讀美術課程，希望有天成為囡囡的同學：「佢話想做設計師，我唔會逼個女讀咩。（如果佢想入娛樂圈？）最好唔好啦！不過都係等佢自由發揮，新聞都話逼得子女太緊會有反效果。」華哥對早前甄子丹指政府未積極協助本土電影拍攝大表贊同：「呢個係香港政府嘅弱項。（荷里活拍乜都得？）係喎！我之前同安祖蓮娜祖莉拍戲，佢都可以由國金跳落嚟，不過港產片都會自力更生。」
任達華（中）跳起Chok甫，在場師生拍爛手掌。
