錢嘉樂愛女取名「凱晴」

剛榮升人父的錢嘉樂昨日在活動上示範餵奶及抱9個月大的BB，除了Fing甩BB的襪仔外，更不慎令BB頭被咪扑中大喊，其後要做鬼臉才氹番BB大笑。他指囡囡Alyssa已取名「錢凱晴」，又笑言未學識換尿片，但太太湯盈盈好叻：「我哋不停換完片後，抱起個女又『砵』過，一個鐘差唔多換四次以上。（兩公婆瞓唔到覺？）雖然瞓得少，但有個目標係開心嘢，幾Enjoy！我哋做呢行都捱慣夜，但比拍戲捱夜有錢搵，依家開心好多。」他表示已為太太請來陪月煮坐月餐，由於要餵人奶，故盈盈未能戒口及減肥。