龔嘉欣請教高Ling豐胸

藝員高海寧（高Ling）與龔嘉欣等昨日出席《國泰航空/滙豐香港國際七人欖球賽2013》記者會，「連人帶胸」瘦了一個碼的高Ling指曾向陳豪取經戒口減肥，問到可會擔心減肥致縮胸？她說：「均勻就可以，應該冇跌Cup，我啲內衣仲啱着。」對於有指她拍劇時擺「阿姐」款，怒踩陳茵媺演技差兼向男藝人放生電，她說：「識我嘅人就知我唔會咁做，我哋睇完報道都得啖笑。我冇電力，加上佢哋當我係兄弟。」

而剛失戀的龔嘉欣與緋聞男友許家傑同場，有傾有講，毫不避忌。正在增肥中的嘉欣自爆向高Ling請教豐胸秘笈，但絕不接受隆胸：「好羨慕佢有好身材，我問佢食咩大，佢話飲奶，但我對牛奶敏感。」又直言最近多節目，問到是否療情傷？她說：「冇情傷！」