薛凱琪「融」入場祖名隱形

日本天后安室奈美惠昨晚首度來港開處女騷，吸引群星朝聖！被踢爆翻撻的薛凱琪和房祖名傳會拍拖睇騷，不過昨晚她竟然與鄭融入場，男友祖名則完全隱形。

安室奈美惠為慶祝出道20年，首度假亞洲國際博覽館開騷，吸引群星朝聖及歌迷悉心打扮捧場。早前被《好報》踢爆翻撻的房祖名和薛凱琪（Fiona）盛傳會拍拖睇騷，不過昨晚她只孖住鄭融從正門入。問到為何不見男友祖名？她詐傻說：「唔知喎！（你哋翻撻？）唔係！我哋飲嘢同食飯啫！」未知鄭融是否發現被利用作「掩護」，翹手黑面站着等候。

丁子高「中指衣」

此外，楊千嬅和老公丁子高撇低囝囝拍拖睇騷，記者笑指身穿「中指衣」的丁子高身上有不文手勢，在旁的千嬅聞言即笑到彎腰。由於兩人遲到，故未有停步受訪即急急入場。而松岡李那和被《好報》踢爆夜店擒仔的久保杏奈結伴撐同鄉，久保表示擒仔另一主角田代麻衣冇到後即入場，似乎是避風頭！而佘詩曼、文頌嫻、張文慈、姚樂怡和康華亦結伴捧場。

另外，張敬軒前晚扮女人變「靚女軒」，雖然沒有魔鬼身材，但勝在穿魚網絲襪夠煞食！Fiona見狀即「男人」上身，抬高其美腿兼輕托下巴挑逗軒仔。