秋生打盧惠光嗌開心

黃秋生、曾志偉、盧惠光在國藝影視及英皇電影聯合出品新片《葉問—終極一戰》中，各展真功夫，秋生大讚與泰拳高手盧惠光拍打戲感覺極佳：「佢動作好快，同佢拍打，你會打得舒服，因為佢識點樣配合你，所以我出拳都唔會手軟，打得好開心！」

而盧惠光與志偉更在高低不平的梅花樁快速走動及對打，武師出身的志偉亦大嘆難度極高：「電影公司整咗個有兩個籃球場咁大嘅梅花樁，我同盧惠光喺上面一面舞獅採青一面打，啲木樁支支都係實木造，動作又複雜。（吊威吔？）打嗰時有，但舞獅嗰時想動作瀟灑啲。」他笑言看到飾演葉問徒弟的前全國武術冠軍周定宇，即想起自己年輕時功架十足。