嘉欣爆馬德鐘識照顧新人

鍾嘉欣昨日出席簽唱會時,獲男粉絲即場下跪示愛。她否認伍允龍陪她返加拿大度假探親,順勢將話題拉向工作,透露將加入拍攝《飛虎2》,而前晚出席活動的馬德鐘,亦表示嘉欣會取代宣萱成為續集女主角,兩人會有感情線。

鍾嘉欣在加拿大放假返港後,昨日於唱片公司老闆何哲圖陪同下,到沙田商場舉行《鍾嘉欣love love love最幸福特別版》簽唱會,獲逾百歌迷支持。以黑白波點短裙上陣的嘉欣,上台時小心翼翼免洩春光,即席獻唱兩首冧歌外,又與粉絲玩遊戲,期間有男粉絲手執鮮花及心形道具,跪地以韓語向她示愛,嘉欣當場冧爆。

提到假期充電,嘉欣說:「返咗加拿大屋企休息,同媽咪去唐人街買餸,勾番起細個嘅回憶。」有報道指其緋聞男友伍允龍亦有同行,她卻說:「冇,以我所知佢做緊電影宣傳,今次係想自己同屋企人過。」於無綫劇接劇的她,將於6月與馬德鐘合演《飛虎2》,她笑言想飾演「較Man」的角色,又大爆當年19歲初入行,馬德鐘是第一位主動向她Say Hi的前輩,讚他十分照顧新人。

練定胸肌等談情

另外,馬德鐘前晚與朱慧敏及陳敏之等出席《王子飯店喬遷開業晚宴》時,透露宣萱的角色將由嘉欣取代,他大讚首次合作的嘉欣演技好,又爆劇情會有感情線,但卻擔心天氣問題:「到時要笠頭套又多衫,次次夏天拍戲都係考驗,但咁熱可能會展示身材着背心,自己有練開胸肌,所以都有少少,但腹肌就冇,好羨慕人哋有六舊腹肌,要請教吓人先。」

音樂組

獲老闆何哲圖撐場的鍾嘉欣,同時獲粉絲跪地示愛。

何哲圖(左)

鍾嘉欣歌視發展成績理想,睇吓有幾多粉絲支持就知啦!

馬德鐘將於新劇與鍾嘉欣有感情線。

朱慧敏悉心打扮現身,她於處境劇《愛.回家》的感情去向,成網友熱話。