Cara G. 婚前晒料玩到癲

模特兒Cara G.與男友Jesper將於本月30日在泰國華欣舉行婚禮,前晚Cara舉行「Bridal Shower」(單身派對),與17位女性朋友在酒店食完Brunch後,隨即上船開派對,由中午12時玩到晚上8時半,Cara笑言玩到筋疲力盡,回家後即時睡着。

Cara昨日在Facebook上載了多張船P相,眾女玩得相當狂野,齊齊穿比堅尼騷胸兼騷腿,告別單身的Cara更自摸胸部!她說:「我哋喺船上飲咗好多香檳,醉晒,我連直線都行唔到!難得咁多好朋友一齊,可以玩癲啲、傾吓心事。(未來老公有冇詐型?)冇,全部女仔,佢仲叫我玩得盡興啲。(係咪婚前最後一次玩咁癲?)當然唔係,唔會因為結咗婚就唔同朋友玩,同朋友幾時都可以癲。」她透露婚禮會以浪漫溫馨為主,亦不會着比堅尼行禮,屆時應會穿復古及簡單的婚紗。

Cara(左)在船上「仰天長嘯」,令一班朋友不亦樂乎!