今年一月在東京與鄭伊健「秘婚」的蒙嘉慧（YoYo），日前被爆於農曆年間，正式在港「閉門」簽字註冊，圈中唯一獲邀出席的藝人是「媒人」黎諾懿。問到兩人是否已簽字？YoYo昨日在電話中承認：「都係返嚟補番個程序，已經做咗o架啦！」提到有指兩夫婦封大利是給諾懿「謝媒」，她說：「唔記得封咗幾多啦！你問番諾懿啦！」諾懿則說：「總之數字可觀，都很合理、大方，最開心係見到佢哋結婚。（利是用嚟買乜？）會買禮物送畀佢哋，我打算送水晶。」
獲YoYo封大利是「謝媒」，黎諾懿揚言要送水晶回禮。（資料圖片）
