秋生唔同偉仔鬥 「比邊個靚仔呀？」

黃秋生在英皇電影與國藝影視聯合出品電影《葉問——終極一戰》中，與曾志偉大打出手，他笑說：「估唔到志偉60歲人先嚟行打星運，佢掂呀，有排打！今後邊個要拍《豬肉榮傳》，非佢莫屬！（怕唔怕觀眾將你同甄子丹、梁朝偉演嘅葉問比較？）比較我同梁朝偉邊個靚仔啲呀？根本唔同風格！唔知有咩好比，亦唔知可以比啲咩！」

除了武打場面，秋生亦很喜歡片中的感情線：「葉問同歌女嘅感情戲我都好鍾意，編劇同導演寫得好，幽幽嘅愛情，好斯文，邊似得依家啲人周街咀咁下流！」

《葉》片導演邱禮濤則大讚台前幕後：「今次比《葉問前傳》野心更大，要多謝秋生、志偉同台前幕後努力，葉問仲有好多故事值得拍。（有冇續篇？）要睇冼國林師傅同電影公司意向。」