MJ冧女耍家 Alan發脾氣踢爆門

樂隊Mr.日前亮相ontv接受《娛樂onShow》訪問，真情剖白。主音Alan自爆躁底，曾一時火爆踢爛垃圾桶，MJ則被踢爆是「情場鬼見愁」，最叻氹女仔！

樂隊Mr.日前接受ontv《娛樂onShow》主持俞詠文（Angela）訪問，Angela笑指Band友普遍都是躁底之人，主音Alan即搶答自爆：「少少躁底梗有，每個人都總有喜怒哀樂，冇可能日日都只有開心呢種情緒。（你最火爆試過點？）最激嗰次試過發脾氣踢爛咗個垃圾桶！以前年少氣盛，試過踢爛唔少嘢。」身旁的Dash即搞笑和應：「Alan真係好躁底，我哋Band房嘅木門都畀佢踢爛晒！」

Mr.的情歌俘虜不少樂迷的心，問到哪位成員最叻氹女，Tom笑說：「MJ一定最叻，清潔嬸嬸都畀佢迷倒，連我阿媽都話MJ好Sweet！」Dash則說：「Ronny份人先算係最浪漫，雖然外表似唔專一，查實佢係會踢拖買餸，煮飯畀女朋友食！」

自爆見過UFO

另外，Angela提到Mr.新歌主題談及外星人，問到有何特別意思？Alan大爆與MJ同樣是UFO迷，曾親眼目睹UFO：「有一日我見到好多雀仔飛過，點知見到喺啲雀仔中間有兩粒不明飛行物體飛過！」MJ亦說：「我同Tom都親眼見過有一粒銀色嘅嘢飛入雲裏面！」想知Mr.各位成員更多的真情剖白？立刻Click入ontv去片啦！