朱千雪「戀」吳啟華 師奶追住唔放

「師奶殺手」吳啟華初次夥拍本屆港姐朱千雪，在《On Call 36小時II》飾演情侶。拍畢第一日戲份，吳啟華對朱千雪讚不絕口：「佢雖然係第一次拍劇，但完全唔似新人，幾乎冇NG！」朱千雪聞言開心得說：「其實我手上劇本得幾頁，最難係熟讀劇本，要記醫學專有名詞更難，好彩對手（吳啟華）帶到我入戲。」

吳啟華因拍《妙手仁心》飾演程志美醫生而深受師奶歡迎，事隔多年，他再次在《On》劇飾演醫生，問到如何能演繹兩角而不令人混淆？他說：「我呢個角色身世坎坷，性格複雜，都幾難演，惟有靠劇本幫我擺脫之前角色。」談到醫生新角色，他說：「一開場就講我有絕症，所以同正常人對生死睇法好唔同，依家劇本未出，最尾使唔使死都未知。」二人在街頭拍戲，吳啟華有數位師奶Fans緊隨看他拍劇，看足一晚，「愛屋及烏」的Fans更不斷邀朱千雪合照！