袁紫僑青春大「模」畏

o靚模袁紫僑(Coco,原名袁聖殷)獨自從澳洲來港做模特兒,當時只得19歲的她毅然放棄學業,並離開家人,但卻訓練出獨立性格,更可擁有自己的生活。

袁紫僑(Coco)來港兩年,起居飲食全部靠自己,但她坦言毫無「思鄉」之苦,更享受獨自生活的樂趣:「可能係中學嗰時我已經讀寄宿學校,同屋企人都習慣晒,同埋我係『有狗萬事足』嘅人,只要返到屋企見到啲狗仔就已經好滿足。」Coco透露這兩年間,家人從未來港探望,但她卻有一套獨特的看法:「雖然兩年以嚟,只係得媽咪一個喺我病嘅時候嚟香港探過我,但係我又唔會覺得自己同屋企人疏遠咗。有啲人雖然唔係成日見,但係你會知道佢哋係關心你,你永遠都有個屋企可以返。」

渴望獨立生活

19歲便入行的Coco,原來家人並不支持她做模特兒,她說:「不過我有咩決定佢哋都會聽、會尊重,只要我好好咁照顧自己就OK。」Coco表示當初毅然輟學,全因她想擁有自己的生活:「書幾時都可以讀,咁不如趁後生做自己鍾意做嘅嘢,既然有機會就應該去把握。」

專案組

Coco為追尋生活與夢想不惜離家兼輟學,如此大無畏,並非人人做到。

愛狗之人Coco遠別家人,幸得愛犬一解寂寞。

19歲入行的Coco坦言,家人並不支持她做模特兒。