農夫異「性」相吸凹凸配

一向鬼主意多多的組合農夫，將為全新兒童節目擔任主持。二人早前受訪時大談童年往事，原來小學時的陸永非常「寸嘴」，C君則是「悶仔」一名，一凹一凸，難怪一直合作無間！

提起小時候，農夫二人的性格原來是南轅北轍。陸永自爆小學時非常「寸嘴」：「我有個小學同學寫咗本『寸寸簿』，專抄低啲寸人或者畀人寸嘅句子，不過其實本簿差唔多都係我嘅，因為我成日寸佢，之後佢就會抄番低。」陸永如此招積，C君卻是個悶蛋，他說：「我細個好悶，依家都悶，以前鍾意睇書，最鍾意睇麥包（麥長青）做兒童節目。」

將以小學生造型上陣為無綫收費電視的兒童節目《猩猩同學會》做主持的農夫，有份參與構思及設計節目流程，已為人父的陸永天天在家為愛女主持「兒童節目」，索性將湊女心得及經驗融入節目中！

陸永下「禁Rap令」

一提起女兒，陸永立即說不停：「佢好鍾意音樂，聽到唔同嘅音樂會有唔同嘅郁法，好似聽到啲節奏強勁嘅歌就會好Rock咁郁一對手！」C君不時會探陸永BB，但絕不會在BB面前Rap。原來陸永早已事先聲明：「如果佢嚟我屋企Rap畀我BB聽，即刻絕交！」