鍾一憲麥貝夷心心相印

白色情人節即將來臨,歌手鍾一憲(Jason)及麥貝夷(Karene)為回饋粉絲,專誠上門拜師學藝,親手炮製愛心朱古力!兩人手持「架生」弄來弄去,似乎有板有眼,一點也不像初學者!

鍾一憲(Jason)及麥貝夷(Karene)在情人節收到不少粉絲送上的朱古力,白色情人節即將來臨,兩人早前拜師學藝,落手落腳炮製朱古力「回禮」。問到有否炮製朱古力的經驗?Karene說:「細個會整朱古力送畀心儀嘅男同學,不過只係買啲朱古力返嚟溶咗佢,再倒模,但就未試過咁專業咁整。」Jason則笑說:「平時收朱古力就多,親手整都係第一次,好好玩,我覺得我好有天分,朱古力大師Chef Koo都讚我呀!」在旁的Karene大呻:「我派就多,但多數冇回音,命途好坎坷!」

鍾一憲擊退「情敵」

兩人出道多年均以情侶檔示人,可有友人信以為真?Karene立即說:「有呀!曾經有個自覺可發展嘅對象誤以為我同Jason拍拖,搞到大家開始疏遠,好可惜!」Jason即時插嘴說:「我擊敗咗對方,哈哈!」

談到工作計劃,他們透露即將踩入電影圈,希望飾演大俠的Karene興奮地說:「好想試吓反串!做大俠拍笑片,好有趣!」Jason則表示適合扮演浪漫男:「我想做偶像劇入面嘅男主角,又靚仔,又有錢,又有才學,真係勁浪漫!」

音樂組

Jason及Karene手持心形朱古力,看上去真像一對愛侶!

愛心朱古力大功告成!粉絲是否想立即吃掉?

鍾一憲似乎非常熟悉程序,難道早已試過做朱古力送給心上人?