文凱玲姊妹檔上陣 孖阿倫放笑彈

港姐出身的女星文凱玲（Connie）早前客串邵氏賀歲片《2013我愛HK恭囍發財》，與主角譚詠麟（阿倫）及曾志偉有對手戲，她大讚兩位前輩毫無架子，雖然她只是新人，但阿倫及志偉竟主動邀她度對白，而且效果不俗，她說：「我哋Jam咗一段好長又搞笑嘅對白，仲要冇NG，佢哋都驚訝我記性咁好，雖然最後呢場戲剪咗，但經驗好難得！」

另一場戲，Connie更帶挈妹妹齊齊上陣，事緣有女演員突然No Show，劇組又急需演員人出鏡，她說：「我即刻叫妹妹幫忙，好彩佢咁啱得閒！（想妹妹入行？）唔係，玩吓啫！家人睇賀歲片見到我哋兩姊妹都有份，感覺好得意！」