張名雅鄧佩儀爭馬國明

出爐華姐冠軍鄧佩儀、亞軍陳楚寰及和季軍張名雅雖然來自不同地方，但三位索女原來(見及)仔眼光一致，齊齊冧爆馬國明，令「筍盤」馬國明愈炒愈熱！

來自溫哥華的鄧佩儀、吉隆坡的陳楚寰和香港的張名雅同樣冧爆「筍盤」馬國明，競爭愈來愈大！鄧佩儀坦言因睇劇集《On Call 36小時》而喜歡馬國明，欣賞其演技及劇中專業形象。問到揀男朋友會否要似馬國明？她笑說：「以前學業唔想分心，所以未拍過拖，揀男朋友都唔會着重外表。」她在溫哥華修讀大學，尚有一年多才畢業，當選後要先返溫哥華與父母及學校商量，才決定繼續升學還是來港發展，她說：「自己鍾意讀書嘅，但係經過今次參加選美都好享受演藝訓練過程，要再考慮。」

自揭「兄妹」關係

至於張名雅談到決賽當晚公然向評判馬國明「示愛」，她說：「唔係表白，只係好欣賞佢嘅英俊瀟灑，係Fans心態，其實馬國明係我UBC以前嘅師兄嚟，聽講佢以前喺大學做話劇。」對於身為港姐冠軍的她只贏得華姐季軍名銜，她未有失望：「入到Top 5已經好開心，華姐個個都係冠軍級，比選港姐難，同埋之前綵排扭傷腳，練舞痛到想喊，所以滿意成績。」

另外，陳楚寰欣賞馬國明的才華及為人友善，問到可希望與對方合作拍劇？她說：「希望！想做有挑戰性嘅角色，或者拍動作片。」提到決賽當晚家人專程由馬來西亞來港捧場，可惜仍差一步，僅得亞軍，她覺得成績不錯，今次選美識到很多朋友，佳麗還一起吃「臭名遠播」的臭豆腐，她笑稱難忍味道，吃落還是覺得很臭，但鄧佩儀吃得津津有味，覺得十分香。