梁烈唯諗定買平鑽求婚

藝人薛家燕與梁烈唯等昨日出席無綫《三月星辰》派對，早前惹官非的唯唯表示願望是一切順利，對於有指要靠結婚沖喜？他自爆已看過酒席：「不過已經排到兩年後，可能會今年求婚，結婚就36歲前搞掂。（影到你揀鑽戒？）嗰次係買頸鏈，但都有順便睇吓鑽戒，原來依家1卡鑽石要成30幾萬，我諗第時結婚都係買18份，3萬幾蚊就OK。」談到胡定欣在《戀愛季節》中罕有谷出四吋事業線，拍檔唯唯笑說：「拍嗰時唔覺佢咁勁。（你眼甘甘？）當時太近距離，隻眼對焦唔到，淨係睇到一團嘢，之後睇番高清先知咁厲害！」家燕姐則表示早前曾往探望患病中的李香琴：「佢係瘦咗啲，除咗之前跌斷大髀骨外，佢仲好精靈。（話佢有腦退化症？）個人攰，反應慢係好正常。」