阿Sa增定肥越Cup比舞

蔡卓妍（阿Sa）將於下月赴內地參加跳舞比賽，竟寧願搵排舞師及DVD練舞，卻拒找男友陳偉霆教舞！她又透露現正增肥中，希望屆時穿起拉丁舞衣時更有睇頭！

蔡卓妍昨日出席《adidas－all in for #mygirls》發布會大騷舞技，原來下月要到內地參加跳舞比賽，以拉丁舞一較高下。據知，張栢芝亦有份參賽，提到兩人有機同台比「舞」，阿Sa坦言對跳拉丁舞信心不大。

問到會否找男友陳偉霆（William）教舞？她說：「佢都唔係跳拉丁舞！我會搵番以前教我拉丁舞嘅老師教，亦買定DVD喺屋企練舞。」她又自爆正努力增肥，希望長多些肉才能撐起舞衣。提到拉丁舞衣多是低胸？阿Sa不禁自嘲：「大家知我咩事，我好低『Cup』咋！」

阿Sa又回應早前在一個訪問中指前夫鄭中基現時擁有幸福家庭，替他開心：「係個口述訪問，咁我都戥佢開心，見佢咁幸福又有個女添！」她自言覺得很幸福，因很多分手後的情侶不是交惡便是互數不是，問到可有再見過鄭中基及其家人？阿Sa說：「其實係好少聯絡，大家冇交惡、冇數對方，開心最重要。（覺得鄭中基有家庭變咗？）唔知，覺得幾好啦！」

女人40先生仔

何時輪到她結婚生B？阿Sa即笑說：「依家30歲Enjoy依家生活，等大約40歲先。（千嬅話後悔遲生B？）相士話我會生幾個小朋友，唔急嘅！」