謝雪心搽定Cream摑王浩信

博愛醫院與圓玄學院及仁濟堂合辦《傑義風采喜迎春》長者送暖慈善活動，藝人謝雪心指每年均會出席，獻唱冧長者。她又透露早前遇見譚炳文，得知李香琴因急着聽電話而不慎跌倒，現要坐輪椅：「我知琴姐康復中，所以我叮囑啲老人家行路要小心啲，因為最近開工好忙，所以稍後先去探佢。」最近忙拍新劇《巨輪》及《傳愛事務所》的心姐表示《傳》劇卡士強勁，包括鍾景輝、岳華、陳豪、陳法拉及王浩信等，劇中演王浩信的富貴媽媽：「我最唔鍾意拍打人戲，但有場打仔戲要我摑王浩信，摑咗佢都唔知幾多巴！佢叫我唔使留手，事前已剪定指甲、搽晒手霜，我係驚摑損佢塊面。」