林峯諗同居好正常

Alex與松岡李那低調談情,相反與「千語BB」吳千語蜜運中的林峯,二人愈愛愈高調!林峯昨日出席活動時,當司儀提到「BB」兩字,他即掩嘴甜笑!對於被指跟千語「機震」?他指事件被扭曲:「呢個係好Sweet嘅Trip,一個Goodnight Kiss同問佢食唔食飯,出嚟變咗咁,我哋啲行為好正常!(送黑卡畀女友?)唔好咁老土,咩年代呀?(180萬元名牌貨你找數?)呢啲好私人嘅嘢唔使分享,我都有買好多嘢畀家人!(默認找數?)吓?到此為止,唔好每次都回應!(考慮同居?)你哋有冇拍過拖?拍拖唔係咁o架咩?」而千語昨日出席電台活動時,否認獲林峯送贈黑卡及找180萬元名牌貨數,又稱男女間送禮好正常:「所有帳單都係自己畀,亦冇180萬呢個數!」

林峯與千語愈來愈有默契,還是事前夾定口供呢?

吳千語