Mango劃清界線：好朋友咋

林德信（Alex）的生日飯局中，據知除了正印女友松岡李那（Linah）在場外，另一緋聞女友、近年從商升呢做老闆娘的王秀琳（Mango）亦是座上客，Mango昨日接受電話訪問時，起初顯得不欲多提，但坦承是座上客，並表示只是一大班朋友吃飯而已。提到曾與Alex傳緋聞，Mango笑說：「梗係唔係拍拖啦！我哋只係好朋友！（Alex喺飯局上介紹Linah畀朋友認識，順便見埋家長？）總之我哋成班朋友食吓飯傾吓偈，其他嘢我唔想講太多，你都係問番當事人好啲！」言談間並沒有否認Linah在場，看來Linah與Alex已得到友儕間的肯定。