林雪為華哥扮白臉鬼
任達華首次執導開拍鬼片，前晚與男演員林雪到中環拍攝外景。久未露面的林雪，扮演為食鬼，塗得全身白色，由於造型恐怖嚇人，他到公廁亦被阻止，工作人員對他說：「你咁嘅裝扮嚇親人呀！」早前曾被指欠下巨債要「着草」，更要由導演杜琪峯出手還債達二百萬，林雪對欠債避而不談，只多謝導演幫忙：「導演咁多年來幫咗我好多。」他又表示近年多在內地拍戲，連接十幾部電影，今次只會短暫留港，知道是華哥執導便二話不說回來拍攝：「華哥都幫咗我好多，我咩都冇問就返嚟幫手，估唔到奉獻我第一次扮鬼，拍完一定要問佢拎番封利是先。」
