青雲睇淡冧莊影帝 撐霆鋒演得好

劉青雲憑英皇電影《消失的子彈》角逐今屆金像影帝，曾奪金像影帝的他，謙稱今年不是熱門，還笑指影帝一係姓梁，一係叫家輝，表明睇好張家輝、梁家輝與梁朝偉！

穿上一身運動服的劉青雲，昨日出席《adidas Energy Boost SS13跑步鞋系列》記者會，他平日有和太太一起跑步，覺得是一種很好的減壓方法，而跑步時會有人不時用手機影他，故他笑言要跑得「靚仔」，以免被影到氣喘的照片。

早前金像獎公布入圍名單，青雲憑英皇電影《消失的子彈》入圍最佳男主角，問他有沒有信心攞獎？他說：「我覺得依家要珍惜，今時今日仲可以有提名，其他嘢唔理啦！處之泰然啦！聽聞我都唔係熱門，熱門一係姓梁，一係叫家輝，自己冇諗咁多，最緊要Enjoy！」而談到《消》片另一男主角謝霆鋒沒有提名，有傳是因為他入圍而犧牲了霆鋒，對此他說：「唔好咁講，套戲霆鋒做得好好，觀眾係有目共睹嘅。」

《葉問》烏甸尼斯爭獎

另外，由國藝影視、英皇電影聯合出品的電影《葉問─終極一戰》昨日入圍《烏甸尼斯遠東電影節》競賽單元。導演邱禮濤知道作品入圍後，大表高興：「《葉問─終極一戰》早前能成為香港國際電影節嘅開幕電影，已經令我哋喜出望外，咁快又有好消息傳嚟，更令團隊士氣大增。」而邱禮濤與該片男主角黃秋生表示，烏甸尼斯電影節是很有人情味之電影節，所以能夠入圍倍感高興。