樂易玲喜見林峯遇真愛

劇集《老表，你好嘢﹗》台前幕後包括王祖藍、萬綺雯、郭晉安及腹大便便的湯盈盈，昨晚獲無綫行政主席梁乃鵬於將軍澳電視城設宴慶功。對於有傳羅敏莊鬧爆無綫追騷債，高層樂易玲說：「2011年開始同佢傾約，到上年同佢講話加長約兼加人工，佢當時話考慮中，仲話使乜咁早傾約。（追佢騷債？）如果有Artist無故推騷，咁就要喺合約前還喇！呢啲係Case By Case去睇，會再同佢傾。（李香琴情況？）睇咗報道都好擔心，約咗佢星期三食飯，佢身體情況OK，仲好精靈。（林峯同吳千語喺機艙態度親暱？）搵到真愛，唔好咩？」問到與羅敏莊續約一事是否鬧得不快？另一高層區偉林說：「唔可以用唔開心嚟形容。」

至於近日拍攝新劇《食為奴》的萬綺雯穿古裝到場，提到《老表》若開拍續集她可會有份？她笑說：「應該有啩！」在旁的祖藍笑說：「要睇你表現喇！」萬綺雯又透露近期為《食為奴》拉筋練一字馬，以致腰痠背痛。