王馨平讚可愛有才華

余文樂再扮王馨平與「老夫子」周柏豪齊齊潮跳「哈林搖擺」，非常搞笑，昨日更加熱爆網，連舒淇亦不禁留言，她說︰「天下第一美啊！」不過是否讚樂仔的美貌則見仁見智，其後樂仔亦非常識做即時回覆︰「謝謝。好險我不是女生，不然你就有對手了！」而王馨平對於阿樂再次扮演她於經典歌曲《別問我是誰》MV中的造型，她笑說：「一早有人喺微博傳咗畀我睇，已經慣晒啦！哈哈！講笑咋！佢好可愛，其實佢都算係新生代男演員，好有才華，我睇好佢。」問到覺得阿樂扮得靚嗎？她大讚扮得似，不過其後又笑說：「佢已經唔係扮緊我，我應該唔係咁嘅樣，佢自由發揮。我唔會有唔好反應，只係覺得好好玩，其實我係好玩得嘅人，唔好以為我好拘謹。」

至於大批網友均在樂仔和周柏豪的微博留言指短片非常搞笑，還封二人「余美人」及「周夫子」，更大讚「余美人」的樣貌非常吸引，雖然樂仔今次再扮王馨平，但網友仍然非常受落，更指他擠眉弄眼的表情勝過其他女生。