祥仔海味插預算案基層福利不足

財政司司長曾俊華昨日公布財政預算案，眾星齊呼冇料到！三屆視帝黎耀祥更狠批財爺欠缺新意：「冇驚喜！唔係話一定要派糖，應該要落藥改善民生，例如為基層帶多啲福利、改善教育、增加建設。唉！算啦！香港都冇長遠計劃！」至於長居北京的周海媚（海味）因在港拍劇，故亦要交稅，對於預算案主要幫助低下階層，她說：「其實個人免稅額方面都唔係好幫到囉！」而謝天華感受不到有何得益：「幫到我哋唔多，都追唔到通脹，依家乜都貴！」

不過，亦有藝人認為預算案有建樹，周秀娜說：「如果派多啲糖就好喇！個人免稅額減多少少仲好，仲有生果金出雙糧都好呀，始終老人家為社會付出咁多！」