壽星女法拉被「紅衫乳」許亦妮搶峰頭

陳法拉昨日擔任華姐評判，適逢是三十一歲生日，她穿上黑白Tube Dress襯一千五百萬元鑽飾上陣，並表示擔任評判不會阻礙慶生：「其他評判都知道我今日生日，頭先都開咗香檳慶祝，同埋自己都係華姐出身，所以特別有意義。」她透露暫時未與男友慶祝，提到男友會否趁這大日子求婚時，她即耍手擰頭說：「唔會啩！唔好嚇我呀！」她又表示男友暫時未送禮物，但收到爸媽送的生日卡大為感動。不過，壽星女的「峰」頭卻被穿紅色Deep V谷胸晚裝的許亦妮搶去，她大呻沒有男朋友幫忙過目，但有向爸爸詢問服裝意見。

另一位評判苟芸慧穿上低胸裙及佩戴一千萬元鑽飾現身，有兩年半未放過假的她透露已向公司提出請假：「我想攞兩個禮拜假去啲暖嘅地方，依家都約緊朋友。」而身穿胸前有喱士裝飾低胸裙的呂慧儀則坦言婚後不能太性感：「做咗人妻就要加啲喱士，唔可以好似咁Deep V！」