Rio淪落夜場陪酒

今年解散的日本性感女團惠比壽麝香葡萄，一直擬再來港開騷，可惜未有單位肯借出場地，主將蒼井空和吉澤明步早已鋪路到亞洲各地吸金，另一人氣成員Rio卻被爆進駐夜場搵快錢！

日本組合惠比壽麝香葡萄由數十位AV女優組成，包括蒼井空、吉澤明步、Rio及麻美由真等一線艷星，可惜組合成軍以來「旺丁唔旺財」，前年來港開騷反應冷淡，台灣站更因門票滯銷而胎死腹中，加上內地中日關係持續緊張，令「登陸」吸金計劃未能如願，組合惟有散Band收場！成員由今年起各自搵食，佔大半數均重投AV界接拍「四仔」維生。

身為隊中主將的蒼井空與吉澤明步總算較幸運，在亞洲擁有頗高知名度，不愁冇出路，相反另一女神級成員Rio卻十分「爛做」，今年除有多套新作AV上架外，更被爆原來到夜場兼職陪酒女，實行打正旗號下海搵食！

有日本網站把從事風俗行業的AV女優資料公諸同好，發現26歲的Rio正為六本木夜店RedDragon落場陪客，該店還邀得過氣AV天后小澤瑪利亞及曾夥陳奕迅、古天樂演出港片《豪情》的小室友里輪流助陣，為搵快錢不惜拋頭露面。

蒼井空拋胸告別

其實惠比壽一直有意再度來港，但各場地擔心演出會有三級內容，因而拒絕借出場地，令解散騷也無法在港舉行。昨日，惠比壽的告別作《ABAYO》已公開MV，蒼井空低胸上陣盡騷事業線，而其官方Facebook無故被刪，隨即在Twitter公開鬧爆。