Bobby擬明日出院

患急性肺炎的歐陽震華（Bobby）昨日仍留院，其妻傅潔嫻昨日帶備羽絨及蘑菇牛肉飯探望，她說：「佢好好胃口食晒，但因為插喉隻手腫痛。有朋友嚟探佢，都唔會悶。」經理人Lydia估計Bobby明日便可出院。吳卓羲昨午亦往探望Bobby，他說：「佢情況非常好，有講有笑。（瘦咗？）好靚仔，塊面凹咗，怕佢連唔到戲！」出事當晚吳卓羲亦在場，問到當時Bobby是否昏迷，他說：「佢有應我哋，只係覺佢唔舒服就送佢入院。（你有份急救？）我又唔係On Call 36小時。」談到早前宣萱探病被笑指又食又拎，他笑說：「我冇叫飯食喎！蝕咗，早知食埋啲生果先走。」