任達華首執導筒拍鬼片鬥家輝

近日張家輝獲邀執導鬼片，計劃仍在「起跑」階段，想不到被同是影帝的任達華搶頭啖湯﹗據悉，從影逾36年的他將夥拍陳果及劉國昌，執導一齣三個單元的鬼片，華哥負責的部分改編自小說家李碧華手本，暫定本月28日開鏡。「處男下海」的他雖剛由韓國公幹返港，但已頻頻約工作人員開會，做好準備。

一向大方的華哥昨日接受電話訪問時突然口密：「你點知呀？（古仔係點？）真係未講得住！未必有女主角，我呢啲小學生拍畢業作品，無謂搵啲靚女嚟搞啦！（好似家輝咁減片酬支持本地製作？）唔會喎，我又演又導又做第三攝影師，同打雜冇分別，梗要加多啲人工啦！」他坦承被鬼片題材吸引，亦希望在《歲月神偷》後再為推動香港情懷出力。