(9)蔡潔奪傳媒歡迎獎

《2013國際中華小姐競選》大會評判團包括陳法拉、馬國明和鄭丹瑞等，昨日在將軍澳電視城與候選佳麗見面，師姐陳法拉則與佳麗分享經驗，她說：「當年我參選都係懵盛盛，連廣東話都唔識，其實最緊要自然，做番自己就得。」

(9)墨爾本佳麗蔡潔日前被爆「喜愛夜蒲」成為佳麗焦點，昨日由傳媒投票選出成為「最受傳媒歡迎佳麗」，問蔡潔可希望來港發展，她說：「要睇吓有冇好嘅機會。」對於被指貌似陳煒，她說：「睇相都覺得有啲似，亦都有人話我似梁烈唯，兩個都係靚人，畀人話似佢哋都開心。」香港代表(5)張名雅被問到見評判有甚麼方法搶分？她說：「都係做番自己，希望同評判見面時可以等評判深入啲了解自己。」