狙擊手天華險被蛇咬

藝人謝天華、張兆輝、林偉、陳志健及溫家偉等昨日為新劇《神槍狙擊2013》，到粉嶺某荒廢舊校拍攝槍戰和爆破場面，眾猛男全副武裝，擒上屋頂又飛身撻地，認真搏命！張兆輝慶幸不是夏天，但Full Gear上陣也頗辛苦；而身穿風褸的天華則輕輕鬆鬆，拿着望遠鏡左望右望便收工，他笑言是當狙擊手的福利：「我哋都要冒住畀蚊、蛇咬，仲有好多大場面未拍，有場講刺殺總統同埋身肉搏戲。（床上肉搏？）有，但未拍，對手未知，最緊要動作先，唔係動作愛情環節。」而曾拍爆破場面的林偉表示，當年電視電影全劇只有個半鐘，因此劇情更緊湊。

另一方面，天華昨日出席活動時透露，已與好友歐陽震華（Bobby）通電話，又踢爆對方逐個朋友打電話報平安：「真係嚇親人，食幾多餐飯都補唔番，會叫佢唔好食得咁急同飲酒。（幾時出院？）休息多3、4日左右，等佢精神狀態好啲先開工，佢都出名捱得，應該冇事嘅。」