徐子珊封「最佳女主角」勁激動

徐子珊、曾志偉和高海寧等前晚出席賀歲片《2013我愛HK恭囍發財》新春團拜，早前獲志偉公開讚賞演技、有機會問鼎明年金像獎影后的子珊，於活動上獲贈「最佳女主角」字句，令她非常興奮，又表示每次聽到讚美聲音都很激動。

她更指未曾演過70年代角色，加上現場有不少前輩而感壓力，幸好票房已逾千五萬，她於過年期間曾兩次喬裝入戲院看觀眾反應：「冇化妝又戴埋眼鏡，冇人認得唔尷尬，目的達到咗，So Far聽到反應都開心！（開心過拎視后？）點都開心，以前賀歲片都係客串，今年就多咗戲份，有呢個機會已經開心，獎項呢樣嘢太遙遠啦！」而志偉表示已極力游說葉玉卿返港拍劇，正等待對方回覆。