姊妹幫口：以和為貴

Kary被爆與余文樂密遊英國拍拖，其好姊妹歌手區文詩（Angela）說：「唔知，係（拍拖）同唔係都冇理由由我把口講。」對Kary被阿樂的粉絲勁插，Angela說：「粉絲擁護自己偶像係難免，每個粉絲都好忠心，（對Kary人身攻擊？）當事人未出嚟講，大家唔使咁激進，相信佢哋識處理，我哋外人唔方便畀咁多意見，等當事人回應咗先評論，大家應以和為貴。」

另一姊妹楊愛瑾口徑一致表示不知Kary戀情：「一日佢冇同我講，我都唔會因為報道而相信，如果佢哋真係拍拖，戥佢哋開心。」對於網友狂插Kary，她驚訝地說：「作為公眾人物，發生任何事都有人鍾意有人唔鍾意，希望網友唔好咁大反應。」她大讚Kary好人，做事認真：「我會支持佢。」

Kary的前度緋聞男友林德信則表示「冇回應」，舊愛洪立熙的父親接到記者來電，即說：「我乜都唔知，唔會評論。」語畢匆匆收線。