陳奐仁（Hanjin）昨日在中環一間唱片店舉行新碟簽唱會，Hanjin透露新年時和「老婆BB」返新加坡度歲，提到林峯亦有個「千語BB」，他笑指自己早過對方用「BB」稱呼愛人：「林峯好似有個吳千語BB？我可唔可以拎個優先權？我5年前已經叫BB，真係好替佢開心。」他笑言在家鄉拜年令他想起當兵的日子，又透露92歲的嫲嫲催他返新加坡補擺喜酒：「結婚時BB家人過身，所以冇擺到，盡量今年返去補擺。」
Hanjin計劃今年返新加坡補擺喜酒。
