李司棋人肉Google囡囡

李司棋、陳展鵬及黃翠如等昨日宣傳無綫新劇，司棋透露女兒身在加拿大工作，故未能返港陪她歡度農曆新年，她笑指近日在網上搜尋女兒拿結他唱歌的片段：「佢話唔敢畀我睇，不過我覺得佢叻我好多。（叫個女生個孫畀你湊？）呢個難啲，因為佢哋話唔要。（失望？）我同佢講唔生老咗生唔到，不過細路仔係上天賜嘅禮物。」

在新劇演爛賭母親的她表示，現實中對賭零興趣，但透露曾有好友因爛賭向她借50萬元，但她只借了5萬給對方：「預咗冇回頭，一次過畀佢，呢個朋友依家唔知去咗邊。」首次擔重戲份的翠如則表示心情緊張，預料劇集出街後會惹來評論：「做晒心理準備，希望唔好鬧得咁甘！」