Bobby：執番條命算好彩

藝人歐陽震華（Bobby）年初二因急性肺炎而入住深切治療病房，已留院一星期的他昨日終於透過電話親口交代病情，並說：「執番條命都算好彩。」他透露肺部仍有陰影，故暫時未能出院。而好友關詠荷昨午探望後大讚Bobby精靈。

藝人歐陽震華日前因急性肺炎入院，脫離危險期，搬離深切治療病房的他昨日終於開口，並透過電話交代病情：「之前有肺積水，依家抖氣時都會覺得氣喘，講嘢唔可以大聲，醫生話呢啲係正常現象，需要一段時間先可以完全康復，我個肺依家仲有陰影，所以未出得院。」他又表示當晚在醫院急救了十多個小時，情況相當危險：「能夠執番條命都算好彩，最令我過意唔去嘅就係嚇親老婆同令大家擔心，所以希望能盡快病好出院復工。」

荷姐探病讚精靈

好友關詠荷昨午12時45分帶着寫上「Get Well Soon」的心意卡在助手陪同下前往探望Bobby，她表示該心意卡是整個《情逆三世緣》的劇組自製的，希望Bobby盡快康復。

在醫院逗留了半小時後，荷姐便返回電視城繼續為《情》劇開工，她表示見到Bobby大步檻過十分開心：「佢好精靈，仲識得話啲護士好後生，只係瘦咗同有啲鬚根，不過佢今年最唔好嘅都已經過咗，希望佢之後平平安安。（叫Bobby戒酒？）冇喎，唔使啦！佢係一個負責任嘅男人，最緊要係對得住佢老婆。」她又透露Bobby嫂已較早前寬容：「佢仲識得同我講笑。」