王祖藍彈華姐唔夠亞男高

王祖藍有位華姐冠軍女友李亞男，故被認定揀「華姐」有一手，前晚他與曾志偉率一眾華姐欣賞賀歲電影《2013我愛HK恭囍發財》時不敢多言，只笑說第一個感覺不算太高：「之前我見華姐嘅朱璇、徐萌真係好高，今次拍埋去都唔係咁過分。（邊個係心水？）唔敢講呀！佢（指女友亞男）住附近！隔牆有耳呀！」而日前李亞男為他投得「Handela」車牌，祖藍即表示女友其實是叫他「慳啲」：「咁我下次或會投另一個『我會慳啲』嘅車牌。」

同場的志偉對電影口碑不俗感開心，並表示票房已收逾千萬，問到是否安排猛男慶祝女兒曾寶儀40歲生日？他說：「現場好多女士都瘋狂呀！唔止我個女，因為我知道40歲係踏入人生另一階段，所以想畀個驚喜個女！」